
Chewable CardioASA
დასახელება და შემადგენლობა
პრეპარატის დასახელება: CardioASA 81 მგ საღეჭი ტაბლეტი USP. ფარმაცევტული ფორმა: საღეჭი ტაბლეტები (Chewable) — სპეციალური ფორმულაცია გემოს გაუმჯობესებითა და სწრაფი აბსორბციით. აქტიური ნივთიერება: აცეტილსალიცილის მჟავა (Acetylsalicylic Acid) — 81 მგ ერთ საღეჭ ტაბლეტში. დამხმარე ნივთიერებები: მანიტოლი, მაგნიუმის სტეარატი, მიკროკრისტალური ცელულოზა, საქარინი, ფორთოხლის არომატიზატორი. ფარმაკოთერაპიული ჯგუფი: ანტითრომბოციტული (ანტიაგრეგანტული) საშუალება; არასტეროიდული ანთების საწინააღმდეგო პრეპარატი (NSAID); ციკლოოქსიგენაზას (COX-1) ინჰიბიტორი (ATX კოდი: B01AC06).
გამოყენების ჩვენებები
მიოკარდიუმის ინფარქტის (გულის შეტევის) პირველადი და მეორადი პროფილაქტიკა. იშემიური ინსულტის და ტრანზიტორული იშემიური შეტევის (TIA) პროფილაქტიკა. სტაბილური და არასტაბილური სტენოკარდია. თრომბოზის პრევენცია სისხლძარღვთა ქირურგიული ჩარევების (სტენტირება, აორტო-კორონარული შუნტირება) შემდეგ. გულ-სისხლძარღვთა მაღალი რისკის მქონე პაციენტთა ხანგრძლივი თერაპია.
ფარმაკოლოგიური თვისებები და მოქმედების მექანიზმი
ფარმაკოდინამიკა: აცეტილსალიცილის მჟავა შეუქცევადად თრგუნავს ფერმენტ ციკლოოქსიგენაზა-1-ს (COX-1) თრომბოციტებში. შედეგად მცირდება თრომბოქსან A2-ის (TXA2) სინთეზი, ფერხდება თრომბოციტების აგრეგაცია და ხელს უშლის თრომბოზის განვითარებას. ანტიაგრეგანტული ეფექტი გრძელდება თრომბოციტის სიცოცხლის მთელი მანძილზე (7-10 დღე). ფარმაკოკინეტიკური უპირატესობა: საღეჭი ფორმა იწყებს აბსორბციას უშუალოდ პირის ღრუს ლორწოვანი გარსიდან: პიკური კონცენტრაცია პლაზმაში (Tmax): დგება 20-30 წუთში. შედარება: ჩვეულებრივი/სტანდარტული ფორმები აბსორბირდება 1 საათში, ხოლო ნაწლავში ხსნადი (Enteric-Coated / EC) ფორმები — მხოლოდ 2.5-4 საათის შემდეგ. უსაფრთხოება პროფილაქტიკისას: ნაწლავში ხსნადი ტაბლეტებისგან განსხვავებით, საღეჭი ფორმა უპრობლემოდ და უსაფრთხოდ გამოიყენება კუჭ-ნაწლავის ტრაქტის წყლულოვანი დაავადებებისა თუ დისპეფსიური დარღვევების დროს.
დოზირება და მიღების წესი
ყოველდღიური პროფილაქტიკური დოზირება: 1 საღეჭი ტაბლეტი (81 მგ) დღეში ერთხელ, კვებისგან დამოუკიდებლად. ტაბლეტი კარგად უნდა დაიღეჭოს და შემდეგ გადაიყლაპოს. გადაუდებელი მდგომარეობა (მწვავე კორონარული სინდრომი / ინფარქტის ეჭვი — AHA/ACC და ESC გაიდლაინები): დაუყოვნებლივ ინიშნება 162-325 მგ საღეჭი ასპირინი (2–4 საღეჭი ტაბლეტი CardioASA 81 მგ) პირველივე სიმპტომებისთანავე. მიზანი: თრომბოქსანის (TXA2) სწრაფი ბლოკადა და თრომბის ზრდის შეჩერება.
გვერდითი მოვლენები
მითითებული არ არის
უკუჩვენებები
მომატებული ინდივიდუალური მგრძნობელობა აცეტილსალიცილის მჟავას ან სხვა სალიცილატების/NSAID-ების მიმართ. კუჭ-ნაწლავის ტრაქტის მწვავე/აქტიური წყლულოვანი დაავადება ან სისხლდენა. ჰემორაგიული დიათეზი და სისხლის შედედების დარღვევები. ასპირინით გამოწვეული ასთმა ანამნეზში. ღვიძლის ან თირკმლის მძიმე უკმარისობა. ორსულობის III ტრიმესტრი.
განსაკუთრებული მითითებები
მითითებული არ არის
შენახვის პირობები
შეინახეთ ბავშვებისთვის მიუწვდომელ ადგილას. შეინახეთ არაუმეტეს +25°C ტემპერატურაზე, მშრალ, პირდაპირი სინათლისგან დაცულ ადგილას. სტანდარტი: დამზადებულია აშშ ფარმაკოპეის (USP-NF) და GPP სტანდარტების შესაბამისად.
მწარმოებელი
შპს „ფორტის ფარმაცეუტიკალსი“ Pharmaceutical Compounding მისამართი: საქართველო, თბილისი, გ. ჟვანიას ქ. No9 ტელ: 032 2053191 სამუშაო საათები - ყოველდღე 10:00-20:00
პრეპარატის შერჩევა, მიღების წესი, დამხმარე ნივთიერებები, გამოთავისუფლების მახასიათებლები და მომზადების შემდეგ გამოყენების საბოლოო ვადა უნდა დააზუსტოთ მკურნალ ექიმთან და გამცემ ფარმაცევტთან.
წყაროები და კონტექსტი.
წყაროები აღწერს მოქმედ ნივთიერებებს ან რეფერენსულ მედიკამენტებს და არ ნიშნავს ფორტისის მიერ მომზადებული პრეპარატების FDA-ს ან EMA-ს მიერ დამტკიცებას. საარქივო ინსტრუქციები შესაძლოა უახლეს ინფორმაციას არ ასახავდეს. ეს მიმოხილვა არ წარმოადგენს უსაფრთხოების სრულ სახელმძღვანელოს ან დანიშნულების რეკომენდაციას.
როგორ წარმოვადგენთ პროდუქტის ინფორმაციას