ფინასტერიდი 1 მგ, 30 ტაბლეტი - მოწოდებული შეფუთვის ილუსტრაცია
დერმატოლოგია, ტრიქოლოგია, უროლოგია

ფინასტერიდი

1 მგ
შეფუთვა30 ტაბლეტი
პრეპარატის ფორმაკომპოზიტური · პერორალური
ანდროგენული ალოპეციის (მამაკაცური ტიპის თმის ცვენა) მკურნალობა, DHT-ს დაქვეითება

დასახელება და შემადგენლობა

პრეპარატის დასახელება: ფინასტერიდი (Finasteride) 1 მგ. ფარმაცევტული ფორმა: პერსონალიზებული კომპოუნდინგის ტაბლეტები (Compounded Pharmaceutical Product). აქტიური ნივთიერება: ფინასტერიდი — 1 მგ თითოეულ ტაბლეტში. ფარმაკოთერაპიული ჯგუფი: 5α-რედუქტაზას ინჰიბიტორი; ანდროგენული ალოპეციის სამკურნალო პრეპარატი (ATX კოდი: D11AX10).

გამოყენების ჩვენებები

ანდროგენული ალოპეციის (მამრობითი ტიპის თმის ცვენის) მკურნალობა მამაკაკებში თხემისა და შუბლის არეში. შეზღუდვა: პრეპარატი არ გამოიყენება ქალებსა და ბავშვებში!

ფარმაკოლოგიური თვისებები და მოქმედების მექანიზმი

ფარმაკოდინამიკა: ფინასტერიდი წარმოადგენს II ტიპის 5α-რედუქტაზას სელექციურ კონკურენტულ ინჰიბიტორს. იგი თრგუნავს ტესტოსტერონის გარდაქმნას უფრო აქტიურ ანდროგენად — დიჰიდროტესტოსტერონად (DHT) სკალპსა და პერიფერიულ ქსოვილებში. DHT წარმოადგენს ანდროგენული ალოპეციის განვითარების ძირითად პათოგენეზურ ფაქტორს. DHT-ის შემცირება სისხლის პლაზმასა და სკალპში აფერხებს თმის ფოლიკულების მინიატურიზაციას (ზომაში შემცირებას), ამცირებს თმის ცვენას, ხელს უწყობს არსებული თმის შენარჩუნებასა და ნაწილობრივ რეგენერაციას/ხელახალ ზრდას.

დოზირება და მიღების წესი

მიიღება პერორალურად, მხოლოდ მკურნალი ექიმის (დერმატოლოგის/ტრიქოლოგის) დანიშნულებით. სტანდარტული დოზირება: 1 ტაბლეტი (1 მგ) 1-ხელ დღეში. მიღების პირობა: მიიღება საკვების მიღებისგან დამოუკიდებლად (უზმოზე ან ჭამის დროს). მკურნალობის ხანგრძლივობა: კლინიკური ეფექტის შესაფასებლად და თმის ზრდის სტაბილიზაციისთვის საჭიროა პრეპარატის უწყვეტი მიღება მინიმუმ 3–6 თვის განმავლობაში. შედეგი ინდივიდუალურია. თერაპიის შეწყვეტა: პრეპარატის მიღების შეწყვეტის შემთხვევაში მიღწეული თერაპიული ეფექტი თანდათანობით ქრება 9–12 თვის განმავლობაში.

გვერდითი მოვლენები

რეპროდუქციული სისტემა (იშვიათად): ლიბიდოს (სექსუალური ლტოლვის) დაქვეითება, ერექციული დისფუნქცია, ეაკულატის მოცულობის შემცირება, სარძევე ჯირკვლების მგრძნობელობა ან გადიდება (გინეკომასტია). ცენტრალური ნერვული სისტემა: დეპრესიული განწყობა, შფოთვა. ალერგიული რეაქციები: კანის გამონაყარი, ქავილი, ჭინჭრის ციება, ტუჩების/სახის შეშუპება. (გვერდითი მოვლენების უმეტესობა შექცევადია და ქრება პრეპარატის მიღების შეწყვეტის შემდეგ).

უკუჩვენებები

მომატებული ინდივიდუალური მგრძნობელობა (ჰიპერმგრძნობელობა) ფინასტერიდის ან პრეპარატის რომელიმე კომპონენტის მიმართ. ქალები (განსაკუთრებით ორსულები ან რეპროდუქციული ასაკის ქალები). პედიატრიული პოპულაცია (18 წლამდე ასაკის ბავშვები და მოზარდები).

განსაკუთრებული მითითებები

ტერატოგენული რისკი ორსულებისთვის: ორსული ან სავარაუდოდ ორსული ქალები არ უნდა შეეხონ გატეხილ, დაზიანებულ ან დაფშვნილ ტაბლეტებს, რადგან კანის საშუალებით ფინასტერიდის შეწოვამ შეიძლება გამოიწვიოს მამრობითი სქესის ნაყოფის გარეთა სასქესო ორგანოების განვითარების მძიმე ანომალიები. PSA (პროსტატ-სპეციფიკური ანტიგენი): ფინასტერიდი 50%-ით ამცირებს სისხლის შრატში PSA-ს დონეს. პროსტატის კიბოს სკრინინგის ჩატარებისას აუცილებელია ექიმის ინფორმირება ფინასტერიდის მიღების შესახებ. წამლისმიერი ურთიერთქმედება: კლინიკურად მნიშვნელოვანი ურთიერთქმედება სხვა მედიკამენტებთან აღწერილი არ არის. ჭარბი დოზირება: ჭარბი დოზირებისას სპეციფიკური ანტიდოტი არ არსებობს; ტარდება სიმპტომური თერაპია.

შენახვის პირობები

შეინახეთ ბავშვებისთვის მიუწვდომელ ადგილას. შეინახეთ არაუმეტეს +25°C ოთახის ტემპერატურაზე, მშრალ, გრილ და პირდაპირი სინათლისგან დაცულ ადგილას.

მწარმოებელი

შპს „ფორტის ფარმაცეუტიკალსი“ Pharmaceutical Compounding მისამართი: საქართველო, თბილისი, გ. ჟვანიას ქ. No9 ტელ: 032 2053191 სამუშაო საათები - ყოველდღე 10:00-20:00

იკითხეთ ამ პრეპარატის შესახებ

პრეპარატის შერჩევა, მიღების წესი, დამხმარე ნივთიერებები, გამოთავისუფლების მახასიათებლები და მომზადების შემდეგ გამოყენების საბოლოო ვადა უნდა დააზუსტოთ მკურნალ ექიმთან და გამცემ ფარმაცევტთან.

გაეცანით მტკიცებულებებს

წყაროები და კონტექსტი.

წყაროები აღწერს მოქმედ ნივთიერებებს ან რეფერენსულ მედიკამენტებს და არ ნიშნავს ფორტისის მიერ მომზადებული პრეპარატების FDA-ს ან EMA-ს მიერ დამტკიცებას. საარქივო ინსტრუქციები შესაძლოა უახლეს ინფორმაციას არ ასახავდეს. ეს მიმოხილვა არ წარმოადგენს უსაფრთხოების სრულ სახელმძღვანელოს ან დანიშნულების რეკომენდაციას.

როგორ წარმოვადგენთ პროდუქტის ინფორმაციას

გაქვთ კითხვა
ინდივიდუალურ მომზადებაზე?

დაგვიკავშირდით